विप्लव नेकपाको नेपाल बन्दको प्रभावः ठाउँठाउँमा बम, बस र ट्रकमा आगजनी
+०५७-५२६८३०, ९८५५०-६८२२७
logo
समाज

विप्लव नेकपाको नेपाल बन्दको प्रभावः ठाउँठाउँमा बम, बस र ट्रकमा आगजनी



समाज   11 पटक पढिएको   मधेश प्रदेश अनलाइन     
काठमाडाैँ, ३० फागुन। नेत्र विक्रम चन्द विप्लव नेतृत्वको नेकपाको बन्दको प्रभाव देशैभर सामान्य रूपमा परेको छ ।

विप्लव नेकपाको नेपाल बन्दको प्रभावः ठाउँठाउँमा बम, बस र ट्रकमा आगजनी


बन्द सफल बनाउने नाममा नेकपाका कार्यकर्ताले ठाउँठाउँमा बम राख्ने र सार्वजनिक सवारीसधानमा अागजनी गर्ने काम गरेका छन ।

पूर्वपश्चिम राजमार्ग अन्तर्गत कैलालीको बढैपुर जंगलमा राती पौने ४ बजे बसमा आगजनी भएको छ । पूर्वबाट पश्चिमतर्फ आइरहेको म १ ख ४४१ नम्बरको बसमा पौने ४ बजे आगजनी भएको प्रहरीले जनाएको छ । गाडीमा सवार यात्रुलाई ओरालेर आगजनी गरिएको ईलाका प्रहरी कार्यालय मसुरियाले जनाएको छ । आगजनीबाट बस पूर्ण रुपमा क्षति भएको छ ।

यस्तै पश्चिम नवलपरासीमा विप्लव समूहले दुई वटा ट्रकमा आगजनीको प्रयास गरेको छ । नवलपरासीको सरावल गाँउपालिका वार्ड नं. १ बासा स्थित राजमार्ग छेउमा पार्किङ गरी राखिएको खाली ट्रकमा आगजनीको प्रयास भएको छ । राती साढे १ बजे ना ५ ख ७७४१ र ना ४ ख ६८२५ नम्बरका खाली ट्रकहरुमा आगजनीको प्रयास भएको जिल्ला प्रहरी कार्यालय पश्चिम नवलपरासीले जनाएको छ । विप्लव समूहको बन्दले गर्दा काडमाडौं देखि धनगढीको लागि छुटेको खालि ट्रक बासा भन्ने स्थानमामा रोकेर राखिएको थियो ।


गाडी चालकहरुले बन्द खुलेपछि हिड्ने भनेर राती बासामै ट्रक रोकेर बास बासेका थिए । विप्लव समूहले आगजनी गर्न खोज्दा ट्रकहरुको टायरमात्रै जलेको छ । मानविय क्षति नभएको प्रहरीको भनाइ छ । नेत्र विक्रम चन्द विप्लव नेतृत्वको नेकपाले गरेको बन्दका कारण देशभरको जनजीवन सामान्य प्रभावित बनेको छ । ठाउँ–ठाउँमा राखिएका शंकास्पद वस्तुले जनतामा त्रास पैदा भएको छ ।

त्यस्तै रौतहटको चन्द्रपुर र व्रिन्दावन नगरपालिकाको सीमा क्षेत्रमा पर्ने हर्षाह चोकमा शंकास्पद वस्तु भेटिएको छ । बम रहेको आशंका गरिएपनि प्रेसर कुकरभित्र कागजका टुक्राहरु राखिएको भेटिएको छ । यसैबीच, बुटवलको कालिकाचौकमा आज बिहानशंकास्पद वस्तु भेटिएको छ । रुपन्देही स्थित सिद्धार्थ राजमार्गको बुटवल बेलहिया खण्डको कालिकाचौकको ट्राफिक ब्रेकरमाथि शंकास्पद वस्तु भेटिएको हो । त्यसैगरी, मकवानपुरको हेटौँडा औद्यागिक क्षेत्रको गेटमा पनि शंकास्पद बस्तु फेला परेको र सेनाको बम डिस्पोजल टोली घटना स्थलमा पुगेर डिस्पोज प्रक्रिया शुरु गरेको मकवानपुर प्रहरीले जनाएको छ ।








सम्बन्धित शिर्षक समाचारहरु

१५ वर्ष पुरानो बिक्रम टेम्पो आज बाट भेरि नेपाल मा बिक्री वितरण सुरु

बहुदरमाई नगरपालिका मा १९८ छात्राहरु लाई साईकल बितरण

विप्लव नेकपाको नेपाल बन्दको प्रभावः ठाउँठाउँमा बम, बस र ट्रकमा आगजनी

रौतहटमा शंकास्पद वस्तु भेटियो, सेनाद्धारा डिस्पोज

छोरीहरुलाई साईकल दिएको होईन, शिक्षाक्षेत्रमा मनोबल उच्च गर्ने हौसला प्रदान गरेको - अध्यक्ष अरुण साह

रुपेन्देहीमा गोली हानी युवकको हत्या




सम्पर्क
मधेश मिडिया प्रा. लि.
द्धारा संचालित मधेश प्रदेश अनलाईन डट कम
गोर, रौतहट, नेपाल
9855040387-9845378087-055-521592
www.madheshpradesh.com
Email: madheshpradeshonline@gmail.com

हाम्रो समुह
अभिमन्यु कुमार पटेल, प्रकाशक /सम्पादक, ०५५,५२१५९२, ९८५५०४०३८७, ९८४५३७८०८७
more...
संचालन तथा प्रायोजनको हक सर्बाधिकार © मधेश प्रदेश खवर २०७४ मा सुरक्षित रहनेछ ।
Powered by: ExNet  
Top