Logo

अवहेलना मुद्दामा प्रचण्डले सर्वोच्च पुगेर बुझाए लिखित जवाफ



काठमाडौं, फागुन १६ गते । नेकपा अध्यक्ष पुष्पकमल दाहाल ‘प्रचण्ड’ले अवहेलनाको मुद्दामा सर्वोच्च अदालत पुगेर लिखित जवाफ बुझाएका छन् । प्रचण्डविरुद्ध १९ माघमा अधिवक्ता समिर हायुले अवहेलना मुद्दा दायर गरेका थिए ।

त्यसमा २१ माघमा फैसला गर्दै न्यायाधीश मनोज शर्माले सात दिनभित्र आफैँ उपस्थित हुन आदेश दिएका थिए । विराटनगरको सभामार्फत अदालतलाई धम्की दिएको भन्दै उनीविरुद्ध अवहेलनाको मुद्दा दर्ता भएको थियो ।

‘हाम्रो संविधानले पाँच वर्ष सार्वभौम अधिकार प्रयोग गर्न अधिकार दिएकाले हामी सांसद मरेका छैनौँ । संसद् विघटन भएको छैनु, विराटनगरको सभामा उनले भनेका थिए, ‘विराटनगरबाट भन्दै छु, देशैले सुने हुन्छ, जरुरी परे हामी संसद्को बैठक बस्छौँ । र, त्यस्ता अपराधीलाई कारबाही गर्छौं । सर्वोच्चले सही फैसला गर्छ भन्ने विश्वास गरेर अहिल्यै बसिएको छैन । जरुरी परे त्यो विकल्प छ ।’

फेसबुक बाट आफनो प्रतिक्रिया दिनुहोस...