Logo

ओमिक्रोनको कारण अहिले नै लकडाउन गर्नुपर्ने स्थिति आएको छैन : बाइडेन



मंसिर १४ एजेन्सी ।। ओमिक्रोनको कारण अहिले नै लकडाउन गर्नुपर्ने स्थिति नआएको अमेरिकी राष्ट्रपति जो बाइडेनले बताएका छन् । अमेरिकी राष्ट्रपतिले ओमिक्रोन भेरियन्टका कारण अहिले नै लकडाउन लगाइहाल्नै पर्ने स्थिति नभएको बताएका छन् ।

बाइडेनले ओमिक्रोन कोभिड भेरियन्ट चिन्ताको कारण त हो त तनावको कारण नभएको बताएका छन् । यो बयान बाइडेनले उत्तरी अमेरिकामा ओमिक्रोनको संक्रमण देखिएपछि दिएका हुन् । उनले भने, ‘यदि मानिसहरुले भ्याक्सिन लगाएका छन् र मास्क लगाइरहेकमा छन् भने अहिले नै लकडाउन गर्नुपर्ने स्थिति छैन ।

क्यानडामा ओमिक्रोन भेरियन्ट भेटिएको छ र अमेरिकाले सावधानी स्वरुप आठ अफ्रिकी देशमाथि यात्रा प्रतिबन्ध लगाएको छ । राष्ट्रपति बाइडेनको संक्रमण रोक्ने बचन र खोप अभियानपश्चात् पनि अमेरिकामा अघिल्लो वर्षको तुलनामा यसवर्ष कोभिडका कारण धेरैको मृत्यु भएको छ ।

सोमबार ह्वाइट हाउसमा राष्ट्रपतिले भने, ‘दक्षिण अफ्रिकामा पाइएको ओमिक्रोन भेरियन्ट कुनै न कुनै बेला अमेरिकामा पनि आउनेछ र यसलाई रोक्न सकिँदैन । उनका अनुसार भ्याक्सिन कम्पनीले भविष्यको आवश्यकतालाई मध्यनजर गर्दै नयाँ खोपका लागि योजना बनाइरहेका छन् ।

अघिल्लो हप्ता अमेरिकाले दक्षिण अफ्रिका, बोत्सवाना, जिम्बाब्वे, नामिबिया, लेसोथो, इस्वातिनी, मोजाम्बिक र मलावीबाट उडानमाथि प्रतिबन्ध लगाउने घोषणा गरेका थिए । क्यानडा, बेलायत, युरोपेली संघ र अन्य देशले पनि दक्षिणी अफ्रिकासँग यात्रा प्रतिबन्ध लगाएका छन् ।

फेसबुक बाट आफनो प्रतिक्रिया दिनुहोस...