Logo

प्रधामन्त्री ओलीसँग भेटघाट लगतै जीन्युजको अभियान– सगरमाथामा भारतले दाबी गर्नुपर्छ



पुस २९ गते । भारती टेलिभिजन जी न्युजले नेपालको स्वभिमानमाथि फेरि धावा बोलेको छ ।

सोमबार प्रधानमन्त्री केपी शर्मा ओलीसँग अन्तर्वार्ता लिएलगत्तै जी न्युजले विश्वको सर्वोच्च शिखर सगरमाथाको नाम नै परिवर्तन गर्ने अभियान घोषणा गरेको छ ।

Image may contain: 2 people, people standing and indoor

प्रधानमन्त्री ओलीसँग अन्तर्वार्ता प्रशारण गरेको भोलिपल्टै सो च्यानलले सगरमाथामा भारतीयले दाबी गर्नुपर्ने भन्दै सामग्री प्रसारण गरेको छ । प्रधानमन्त्री ओलीसँग अन्तर्वार्ता लिन आएको जी न्युजका पत्रकार सुधीर चौधरीको टोलीले नै सगरमाथामा भारतले दाबी ठोक्नुपर्ने भन्दै सामग्री प्रशारण गरेको हो ।

Image may contain: 1 person, mountain, sky, outdoor and nature

प्रधानमन्त्रीसँग अन्तर्वार्ता लिएपछि सो टोली हेलिकोप्टरमार्फत सगरमाथा पुगेको चौधरीले उल्लेख गरेका छन् ।
उनले कालापत्थरमा पुगेर सगरमाथाको सबैभन्दा पहिले भारतका राधानाथ सिकदरले उचाई नापेको भन्दै उनकै नामबाट सगरमाथाको नामाकरण गर्नुपर्ने दाबी गरेका छन् ।

Image may contain: sky, outdoor and nature

उनले यो जी न्युजको ठूलो अभियान भएको समेत बताएका छन् । ‘हामीले १७ हजार ५ सय फिटको उचाईमा पुगेर हामीले सगरमाथाको नाम बदल्ने अभियान सुरु गरेका छौं’, उनले भनेका छन्, ‘यसको उचाई नाप्ने र यसबारेमा संसारलाई भन्ने काम भारतका गणितज्ञ राधानाथ सिकदरले गरेका थिए । तर अंग्रेजले सम्मान जर्ज एभरेस्टलाई दिएका थिए । जसले कहिल्यै पनि संसारको सबैभन्दा अग्लो हिमाल देखेका समेत थिएनन् ।’

Image may contain: 1 person, standing, mountain, sky, cloud, outdoor and nature

उनले भारतीयले अहिले पनि माउन्ट एभरेस्ट भनेर सगरमाथालाई भन्ने गरेको भन्दै यसको असली हकदार राधानाथ सिकदर भएको दाबी गरेका छन् ।

उनले सगरमाथामा पुगेका भनेका छन्, ‘यो शिखरको नाम राधानाथ सिकदरको नामबाट राखिएको हुनुपथ्र्यो । आज हामी भन्न चाहन्छौँ, यो शिखरको नाम राधानाथ सिकदरको नामबाटै हुनुपर्छ । भारतले यसका लागि अभियान चलाउनुपर्छ, भारतका जनताले पनि अभियान चलाउनुपर्छ । हामीले पनि माउन्ट एभरेस्टमाथि पूरै दुनियाँका सामुन्ने आफ्नो दाबी पेस गर्नुपर्छ ।’

Image may contain: 2 people, people sitting, living room and indoor

फेसबुक बाट आफनो प्रतिक्रिया दिनुहोस...