काठमाडौँ, असार १३ गते । नेपालको जनसंख्या तीन करोड नाघेको छ। जनसंख्या घडीअनुसार शुक्रबारबाट नेपालको जनसंख्या तीन करोड ६ सय ३४ पुगेको छ।
केन्द्रीय तथ्यांक विभागको घडीमा शुक्रबार नेपालको जनसंख्या राष्ट्रिय जनगणना २०६८ को आधारमा यो जनसंख्या घडी निर्धारण गरिएको तथ्यांक विभागले जनाएको छ।

विभागका निर्देशक ढुण्डिराज लामिछानेका अनुसार अन्तर्राष्ट्रिय सिद्धान्तअनुसार राष्ट्रिय जनगणना २०६८ को तथ्यांकलाई टेकेर २०७८ सम्मको जनसंख्या पूर्वानुमान गरिएको हो।

०६८ को तथ्याङ्कमा नेपालका कुल जनसंख्या दुई करोड ६४ लाख ९४ हजार पाँच सय चार थियो। जनगणना ०६८ अनुसार ५१ दशमलव पाँच प्रतिशत महिला र ४८ दशमलव पाँच प्रतिशत पुरुष छन्।

नेपालका जनसंख्या वृद्धिदर १ दशमल ३५ प्रतिशत रहेको छ। नेपालमा आगामी जनगणना २०७८ मा हुँदै छ।

तथ्यांक विभागका अनुसार पहिलो चरणमा २५ वैशाख ०७८ देखि १५ जेठसम्म सुपरीवेक्षकले घरपरिवार सूचीकरण गर्नेछन्। दोस्रो चरणमा गणकहरू मार्फत २५ जेठदेखि १५ दिनसम्म मुख्य प्रश्नावली र सामुदायिक प्रश्नावलीमा केन्द्रीत भएर जनगणना हुने छ।

LEAVE A REPLY

Please enter your comment!
Please enter your name here