काठमाडौं, २५ असार । कोरोना भाइरसको संक्रमितको सेवामा खटिएका स्वास्थ्यकर्मीले डाइपर लगाएर काम गरिरहेको खुलेको छ । उनीहरु कामको व्यस्तता र रोगबाट बच्नुपर्ने चुनौतीका कारण १२ घन्टासम्म पिपिई लगाएर दिशापिसाब गर्न शौचालय समेत नगई डाइपर लगाएर काम गरिरहेको खुलेको हो ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आज नियमित प्रेस ब्रिफिङमा स्वास्थ्यकर्मीहरु दिशापिसाब समेत गर्न नगई खटिएको जानकारी दिएका हुन् । उनले भने, ‘स्वास्थ्यकर्मीहरु दिशापिसाब समेत गर्न ननिस्किई डाइपर लगाएर अहोरात्र खटिनुभएको छ ।’ उनले यसरी रोगसँग लड्न अग्रिम मोर्चामा खटिएका स्वास्थ्यकर्मीको उच्च मुल्यांकन गर्न भने ।

गौतमले भने, ‘डाक्टर, नर्सलगायत स्वास्थ्यकर्मीहरु पीपीई लगाएर १२ घन्टा सेवा दिइरहेको हुनुहुन्छ । उच्च मुल्यांकन गर्न र सहयोग गर्न र संक्रमण फैलाउन सरिक नहुन अनुरोध गर्दछु ।’

LEAVE A REPLY

Please enter your comment!
Please enter your name here