मनाेज शाह, जितपुर बारा, १६ साउन । बारामा कोरोना भाइरसको महामारी समुदायस्तरमा फैलेर उच्च जोखिम सृजना हुने भएकोले जितपुर सिमरा सार्वजनिक सरोकार समितिले बारामा निषेधाज्ञा जारी गर्न नेपाल सरकार र स्थानीय प्रशासनसँग माग गरेको छ । सरोकार समितिको आज सिमरामा सम्पन्न बैठकले यस्तो निर्णय गरेको हो ।

बैठकले यस क्षेत्रमा रहेका पंपपंउद्योगहरुले कोरोना परीक्षण बिनै भारतबाट मजदुर ल्याएर उद्योग सञ्चालन गरेको र छिमेकी पर्सा जिल्लामा समेत निशेधाज्ञा जारीगरेको अवस्थामा त्यहाँ रहेका व्यक्तिहरुको बाराका बजार तथा बैंक र वित्तीय संस्थाहरुमा कारोबार गर्न आउँदा बारामा पनि संक्रमण फैलन सक्ने सम्भावना रहेकोले यस जिल्लालाई निषेधाज्ञा जारी गरि एक घर एक पिसिआर परीक्षण गर्नको लागि नेपाल सरकार,स्थानीय प्रशासन र स्थानीय तह संग जोडदार माग गर्ने निर्णय गरेको सरोकार समितिका संयोजक मनोज पौडेलले जानकारी दिनुभयो ।

त्यसका साथै बैठकले सिङ्गो बारा जिल्लामा आइसियु र भेन्टिलेटर सहितको अस्पताल नभएको अवस्थामा सिमरा,पथलैयामा आइसियु सहितको सुविधासम्पन्न कोरोना संक्रमितको उपचार हुनेगरी तत्काल अस्पताल संचालनमा ल्याउन माग गरेको छ ।

सरोकार समितिका संयोजक मनोज पौडेलको अध्यक्षतामा सम्पन्न बैठकमा छबिलाल शर्मा,कर्ण थापा,नारायण घिमिरे,राजु राज गिरी,रमेस सापकोटा,पेसल मुल्मी,बिदुर खडकालगायतको सहभागिता रहेको थियो ।

LEAVE A REPLY

Please enter your comment!
Please enter your name here